ಇದೊಂದು ಬಿನ್ನಹ ಕೇಳು ಮನವೇ

ಸುಮ್ಮನಿರು ಮನವೇ...
ಇಲ್ಲದ ಉಸಾಬರಿ ನಿನಗೇಕೆ..?
ಕ್ಷಣ ಮಾತ್ರಕೂ ನಿನ್ನ ನೆನೆಯದವರ
ಹೀಗೇಕೆ ನೆನೆಯುವೆ ನೀನು
ಮಂಕಾಗದಿರು ಮನವೇ..!

ಸಾಗಲಿರುವ ದಾರಿ ತುಂಬಾ ದೂರವಿದೆ
ಗತಿಸಿದ ನೋವಿಗೆ ಈ ಚೀತ್ಕಾರವೇಕೆ..?
ಬಯಸಿರುವೆಯಾದರೂ ಯಾರನ್ನು..
ಯಾರ ಬಯಕೆಯಲೂ ನಿನ್ನ ಪಾಲಿಲ್ಲದಿರುವಾಗ

ನೀನೇನೋ ಜಡಗಟ್ಟಿ ಕುಳಿತಿರುವೆ
ಕಣ್ಣಿಗೇಕೆ ಈ ಪರಿ ಶಿಕ್ಷೆ..?
ನೆನಪಿಸಿ ಸುಮ್ಮನಾಗುವೆ ನೀನು
ಕಂಬನಿ ತಡೆಯಲು ಕೈಗಳು ಸೋತಿವೆ..
ಹೆಜ್ಜೆಗಳು ಎಡವುತಿವೆ..
ಮುಂದೆ ಸಾಗದಂತೆ,,!

ಇದೊಂದು ಬಿನ್ನಹ ಕೇಳು ಮನವೇ
ಇನ್ನಾದರೂ ಮರೆತುಬಿಡು...
ಕಳೆದು ಹೋದ ನಿನ್ನೆಗಳ...
ಮುಂದಿರುವ ನಾಳೆಗಳಿಗಾದರೂ